ನಾನು ನನ್ನ ಹೆಂಡತಿ, ಮಗ, ಸೊಸೆ ಮತ್ತು 2 ಮೊಮ್ಮಕ್ಕಳು ಒಂದೇ ಮನೆಯಲ್ಲಿ ಹಲವಾರು ವರ್ಷಗಳ ವಾಸವಾಗಿದ್ದೆವು ಮತ್ತು ಆ ಮನೆ ನನ್ನ ಹೆಸರಿನಲ್ಲಿದೆ. ಕೆಲವು ಸಮಯದಿಂದ ಅವರು ನಮ್ಮನ್ನು ನಿರ್ಲಕ್ಷಿಸುತ್ತಿದ್ದರು. ಆದ್ದರಿಂದ ನಾವು ಕೆಲವು ತಿಂಗಳುಗಳ ಕಾಲ ನನ್ನ ಮಗಳ ಮನೆಗೆ ಹೋಗಿದ್ದೆವು. ನನ್ನ ಮಗ ಆಸ್ತಿ ಪತ್ರಗಳನ್ನು ಇಟ್ಟುಕೊಂಡಿದ್ದ, ಅವನು ಅದನ್ನು ಹಿಂದಿರುಗಿಸುವುದಿಲ್ಲ ಎಂದು ಸೂಚಿಸಿದ.
ನಮ್ಮ ಮನೆಯನ್ನು ಮರಳಿ ಪಡೆಯಲು ನಾವು ಹಿರಿಯರ ಸಹಾಯವಾಣಿಗೆ ಬಂದೆವು. ಸಹಾಯವಾಣಿಯ ಸಿಬ್ಬಂದಿ ನನ್ನ ಮಗ ಮತ್ತು ಸೊಸೆಯನ್ನು ಕರೆದು ಮಾತಾಡಿದರು. ಸಿಬ್ಬಂದಿಯ ಒತ್ತಡದಿಂದ ಅವರು ಮನೆ ಖಾಲಿ ಮಾಡಿ ಎರಡು ತಿಂಗಳ ಅವಧಿಯಲ್ಲಿ ಮನೆಯ ಕೀಲಿಯನ್ನು ನಮಗೆ ಕೊಟ್ಟರು. ನಮ್ಮ ಮನೆ ವಾಪಸ್ಸು ಸಿಕ್ಕಿದರಿಂದ ನಮಗೆ ತುಂಬಾ ಸಂತೋಷವಾಗಿದೆ 

ನಮ್ಮ ಹತ್ತಿರ ಆಸ್ತಿ ಇತ್ತು ಮತ್ತು ನಮ್ಮ ಸ್ವಂತ ಹಣದಿಂದ ಮನೆಯನ್ನು ಕಟ್ಟಿದ್ವಿ. ಮನೆಯನ್ನು ನೋಂದಾಯಿಸುವಾಗ ಮಗನ ಹೆಸರನ್ನೂ ಒಳಗೂಡಿಸಿದೆವು. ಮಗನ ಮದುವೆಯ ನಂತರ ನಾವು ಅದನ್ನು ಬಾಡಿಗೆಗೆ ನೀಡಲು ಬಯಸಿದೆವು, ಆದರೆ ಬಾಡಿಗೆ ಒಪ್ಪಂದಕ್ಕೆ ಸಹಿ ಹಾಕಲು ನನ್ನ ಸೊಸೆ ಮಗನಿಗೆ ಬಿಡಲಿಲ್ಲ. ಈ ವಿಷಯದ ಬಗ್ಗೆ ನಾನು ಚಿಂತೆ ಮಾಡುತ್ತಿದ್ದಾಗ, ಹಿರಿಯರ ಸಹಾಯವಾಣಿ ಬಗ್ಗೆ ನನಗೆ ತಿಳಿಯಿತು. ನಾನು ಸಹಾಯವಾಣಿಗೆ ಬಂದು ದೂರು ನೀಡಿದೆ. ಅವರು ನನ್ನ ಮಗ ಮತ್ತು ಸೊಸೆಗೆ ಸಲಹೆ ನೀಡಿದರು ಹಾಗೂ ಆಸ್ತಿಯನ್ನು ನನ್ನ ಮತ್ತು ಗಂಡನ ಹೆಸರಿಗೆ ಬಿಡುಗಡೆ ಮಾಡಲು ಹೇಳಿದರು. ಹಿರಿಯರ ಸಹಾಯವಾಣಿಗೆ ನಾನು ಆಭಾರಿಯಾಗಿದ್ದೇನೆ.

ಒಂದು ದಂಪತಿ ಹಾಗೂ 2 ಮಕ್ಕಳಿರುವ ಕುಟುಂಬಕ್ಕೆ ನನ್ನ ಮನೆಯನ್ನು ಬಾಡಿಗೆಗೆ ನೀಡಿದ್ದೆ. ಆರಂಭದಲ್ಲಿ ಅವರು ತಮ್ಮ ಬಾಡಿಗೆಯನ್ನು ಸಮಯಕ್ಕೆ ಸರಿಯಾಗಿ ಕೊಡುತ್ತಿದ್ದರು, ಆದರೆ ಕೆಲವು ತಿಂಗಳ ನಂತರ ಅವರು ಬಾಡಿಗೆ ಕೊಡುವುದನ್ನು ನಿಲ್ಲಿಸಿದರು. ನಾನು ಬಾಡಿಗೆ ಕೇಳಿದಾಗಲೆಲ್ಲಾ ಅವರು ನನ್ನನ್ನು ಬೈಯುತ್ತಿದ್ದರು ಮತ್ತು ‘ಬಾಡಿಗೆ ಕೊಡುವುದಿಲ್ಲ, ಮನೆಯನ್ನೂ ಖಾಲಿ ಮಾಡುವುದಿಲ್ಲ’ ಎಂದು ಹೇಳುತ್ತಿದ್ದರು. ಹಾಗಾಗಿ ಹಿರಿಯರ ಸಹಾಯವಾಣಿಯಲ್ಲಿ ದೂರು ನೀಡಿದೆ. ಸಹಾಯವಾಣಿಯ ಸಿಬ್ಬಂದಿ ಅವರಿಗೆ ಮನೆ ಖಾಲಿ ಮಾಡಲು ಸೂಚನೆ ನೀಡಿ, ಅವರನ್ನು ಭೇಟಿ ಮಾಡಿ, ಒಂದೆರಡು ಸೆಷನ್‌ಗಳನ್ನು ಮಾಡಿದರೂ ಅವರು ಮನೆ ಖಾಲಿ ಮಾಡಲು ಒಪ್ಪಲಿಲ್ಲ. ಸಹಾಯವಾಣಿ ಸಿಬ್ಬಂದಿ ಬಿಟ್ಟುಬಿಡಲಿಲ್ಲ, ಅವರು ಮನೆವನ್ನು ಖಾಲಿ ಮಾಡುವವರೆಗೂ ನಿರಂತರವಾಗಿ ಪ್ರಯತ್ನಮಾಡಿದರು. ನನ್ನ ಮನೆಯನ್ನು ಮರಳಿ ಪಡೆಯಲು ಹಿರಿಯರ ಸಹಾಯವಾಣಿ ನಿಜವಾಗಿಯೂ ನನಗೆ ಸಹಾಯ ಮಾಡಿತು. ನನಗೆ ಸಹಾಯ ಮಾಡಿದ ಹಿರಿಯರ ಸಹಾಯವಾಣಿಯ ಸಿಬ್ಬಂದಿಗೆ ಧನ್ಯವಾದಗಳು.